Ang Baler ay isang maliit na lugar sa Tayabas na siyang sinilangan ng Ama ng Wikang Pambansa sa katauhan ni Manuel Luis Quezon. Mula sa lugar na ito ay nagsimula ang pagsisikap ng mga Pilipino na makamtan ang tunay na kapayapaan ng bawat isa.
Sa murang edad ay naranasan niya ang kalupitang dulot ng karahasan matapos tambangan at patayin ang kanyang ama at kapatid ng armadong kalalakihan dahil sa kanilang katapatan sa Pamahalaang Espanyol. Ang karahasan ay hindi naging hadlang upang maipagpatuloy nito ang kanyang pag-aaral. Sa pagsiklab ng Digmaang Pilipino-Amerikano ay ipinakita nito ang pagmamahal sa bayan matapos umanib sa kilusang rebolusyonaryo na pinamumunuan ni Emilio Aguinaldo.
Sa pagtatapos ng Digmaan ay pinagpatuloy niya ang kanyang pag-aaral hanggang makatapos ng abogasya at maglingkod sa gobyerno hanggang sya ang maging piscal ng Mindoro at di kalauna'y naging piscal ng Tayabas. Dito ay wala syang inuurungan maging ang pinaka impluwensiyal na abogado at manlilimbag. Noong panahon na yun ay nasampahan nya ito ng 25 kaso ng estafa hanggang sya ay tuluyang magbitiw sa kanyang tungkulin.
Matapos ang kanyang pagbibitiw ay nanatili pa rin ang paglilingkod nya sa kanyang nasasakupan matapos iyong mahalal bilang Konsehal at kalaunan ay bilang Gobernador ng Tayabas. Dito nagsimula ang pagkikipaglaban nya sa kapakanan ng mga Filipino hanggang maiuwi nya ang Batas Jones na siyang kumikilala sa kasarinlan ng Pilipinas.
Pumaimbulog pa ang pangalan ni Quezon sa larangan ng pulitika sa bansa, siya ay nahalal bilang Senador at naging Pangulo ng Senado, kinalaban ang mga malalaking tao at ipinaglaban ang katauhan ng mga Filipino hanggang siya ay maging Pangulo ng Bansa. At dito ay dineklara nya ang Wikang Tagalog ang magiging Pambansang Wika ng mga Pilipino.
Ang Baler ay maituturing nating isang tuldok sa mata ng bawat isa subalit ito ang nagbigay sa atin ng kalayaan, kapayapaan at pagkakaisa upang makamit natin ang tagumpay na siyang naghatid sa atin upang maunawaan kung ano ba ang kahulugan ng isang buhay. BUHAY FILIPINO.
pagyamanin natin ang ating sariling wika hindi lamang sa iisang lalawigan o bayan kundi mas lalong payabungin sa buong bansa. Nararapat na mas gamitin at pahalagahan ng tanan o madla sa bayan ng Baler ang Wikang Filipino sapagkat sa kanila magmumula ang naturang paggamit nito tungo sa patuloy na pagyabong nito sa kabansaan
Ang isinsaad dito na ang ating wika ay hindi lamang sa pinagmulan nito, maging sa sulok ng ating bansa ay laganap ang ating pinakayayaman na wika. Marapat lamang na ating pahalagahan ito at pagyamanin. Mas nararapat na ating iwaksi ang mga wikang banyaga sapagkat inilalayo tayo nito sa ating tunay na kayamanan. Oo nga at magagamit natin ang mga ito sa ating pagtatrabaho at gayundin sa ibang bansa ngunit tila lumalala ang sakit na ito, dahil kahit na hindi kinakailangan ay ginagamit pa rin ito. Tila nasusugatan natin ang ama ng wikang pilipino. Bagkus. nakakatuwa pa rin isipin na buhay na buhay pa rin ito sa buong sulok ng pilipinas. Siyanga. kaya narapat lamang na atin pa itong gamitin at ipagmalaki. Lalo pa nating pagsikapang mga pilipino na maging mayabong pa tulad ng mga bulaklak na walang kasing bango