Mahal kong kaibigan,

Kamusta na ang aking matalik na kaibigan? Matagal na rin tayong hindi nagkita mula ng lumuwas ka sa Maynila para mag-aral. Madalas akong dumaan sa inyong bahay para makibalita sa iyong ina kung ano na ang nagyayari sa inyo.

Salamat pala sa iyong pinadalang regalo noong nakalipas na pasko. Salamat at hindi ka pa rin nakakalimot sa akin at maganda nating pagkakaibigan. Sabi ng Nanay baka hindi pa rin daw ako makakapag-aral nitong darating na pasukan. Wala kasing permenteng trabaho ang Tatay ko. Kaya kailangan ko muna silang tulungan para sa pang-araw-araw naming gastuhin. Siya nga pala, may trabaho na ako bilang isang tindera dito sa atin. Maliit lang ang sweldo pero nakakasapat at nakakatulong paano sa gastusin ng aking pamilya..

Hanggang dito na lamang ang aking liham para sayo at mag-iingat ka palagi diyan. Ilibre mo naman ako pag nakapagtapos ka na at sana maipasyal mo rin ako sa Maynila!

Nagmamahal na kaibigan,

rose ann