Aslam o Alaikum
Khadmay Aala Janab Izzat Maab Mian Shahbaz sharif sb,
Sir mey aik aam shehri honey k natay mukhtasaran ap ko batata jaaon k na sirf lahore mey balkey punjab or pakistan k deegar shehro mey arsa daraz say jo ap k chahney waley hain, ap or Mian Muhammad Nawaz Sharif sb k Khilaf Mukhtalif batain bana rahey hain. wo ye k ap apni tamam mushkilat sey nikal kar khamoosh ho kar baith gaey hain. Awam ko khas tor par susti rooti, mehangai, loadsheding, over billing or bohat si mushkilat mey dhakhail dia gaya hey or bechari gharib awan ka koi pursan-e-haal nahi hey. log khud kushiyo par majbor hain.
janabey wali mujhey aisa sun kar bohat taklif hoti hey mey hamesha sey aik aam sheri honey k natay ap ka voter raha hoon, keyo k ap ney na sirf apni anthak koshisho sey awam ko jaha tak ho saka relief dia hey or day rahey hain. mey ye bat samjhta hoon k ap jaisay achey log is mooaashrey k leay maseeha say kam nahi hain. halan k is time har tarf corruption, dhoka, fraud or lot mar machi hoi hey or apni har mumkin koshish say or jo ikhtayar ap k pas hey usey burovey kar latey hovey ap bohat achey kam kar rahey hain. lekin in sab kamo k bawajood ap ki sakh kharab ho ya koi ap par ungli uthaey ye na sirf mujhey balkay kasi bhi imandar aadmi k leay kabiley kabool bat nahi hey.
janab-e-Aali karachi aik aisa shehar hey jahan aaey din light ka koi na koi masla hota rehta hey or log is say kafi tang hain. lekin merey hisab sey to aisa khuch nahi hey 5-6 din pehly mey karachi gaya wahan ja kar ehsas howa k lahore mey or karachi mey light k kitna difference hey. waha mey kaey alako mey gaya ap yakin karain waha sirf aik ghanta light jati hey. or koi mamla nahi hey waha. or to or waha takreeban har ghar mey kunda system nasab hey yaha tak k hamarey apney relitive k ghar bhi yehi system hey. or waha ki awam to tor phor or larai jhagrey mey itni master hey k un k khoof sey waha koi meter check karney wala he nahi hey. or to or un k billo mey huk system mansion honey k bawajod bill kam wasool keay jatey hain.
or yaha light bhi nahi hey or bill aisey aa rahey hain jesey poora mahina AC chalaya gaya hey. Sir kaya ye sara azab sirf punjab waley he bardasht karain.
plz ap bhi koi aisa ikdam karain k awam ko kam az kam mehngaey na sahi is bedard garmi sey nijat dilaney k leay loadsheding sey nijat dila dain. or greeb logo k dilo mey or har tabkey k logo k dilo mey ap ki hakomat k khilaf jo nafrat ka beech beeja ja raha (news channel, media, Print k through ya kasi or tarikay sey usey yahi dafna dain.
may punjab ki hakomat ki sakh ko bahal hota daikhna chahta hoon. keyo ap bhi jantey hain jitney mo utni batain.
Mushkil ki is ghari mey may ap ko khuch tips daina chahta hoon ager ap inhain kabiley kabul samjhain to
first of all ap simple advertising k through aisey mohibbey watan zaheen logo ki khidmat hasil karain jo ap ko awami relief k leay khuch aisi tips dain jis par shayed ap ya ap ki team ney khabi koi working na ki ho.
2nd ap inhi tips k through hamarey moashrey mey honey wali main reasons ko jarr sey pakar saktey hain.
3rd hakomati aadaro mey khas tor par (Police, Adalato, Income Tax, drugs or deegar jo department hain) in sab jagho par intelligent or farz shahnas logo ki bhartia karwaey jaein, or safarshi logo ko saza di jaey. ap yakin karain k ham sab logo is time ager corrupt hain to sirf in mehkamo ki waja sey hain. or is ki saza hamey ye mil rahi hey k hamari aaney wali new generation tabahi k dahaney par khari hey.
4th sabika hakomat ney traffic control par kabu paney k leay educated Sargents ki bhartia ki thi, beshak sabika hakomat ka sirf aik wahid ikdam acha tha, keyo k awam ab tak in logo k discipline ki wajha sey sehmi hoi hey or khuch khoof bhi hey logo k dilo mey k ager koi ghalat kam kia to ye log rishwat nahi lain gey or challan ho jaey ga. is bat ko madday nazar rakhtey hovey ap educated logo ko jitna mumkin ho sakey support karain.
5th zaheen mohibbay watan logo ki jo bhi tips ap ko achi lagey us ki verification k leay aik bar apni team say mashwarey k bad us par amal kar lain. keyo k ye ap k leay mumkin hey.
or bohat sari batain hain ager ap proper reply kar dain to ap ka ye khadim bhi ap ko apni tips day sakta hey.
Thanks
ap ka mukhlis.
Muhammad Irfan
Lahore
Tags: